Мэдээ, мэдээлэл

ЦАХИМ СУРГАЛТЫН ДОЛОО ХОНОГ: Багшийн үйл ажиллагааны чиглэл

Бэлтгэл ажлууд:

-Суралцагчдын бие даан судлах агуулгыг төлөвлөх;

-Хичээлийн гол агуулга, зорилгыг тодорхойлж, бие даан судлахад шаардлагатай материал, эх сурвалжийг сонгох;

-Суралцагчдын цагийн зохицуулалтад тохируулан агуулгын ачааллыг тэнцвэржүүлэх;

-Хичээлийн материалыг цахим платформд байршуулах;

-Агуулга, эх сурвалж, даалгаврыг Google Classroom болон сургуулийн өөрийн ашигладаг цахим системд цэгцтэй, ойлгомжтой байдлаар байршуулах;

-Хичээлийн видео хичээл, унших материал, сэдэвчилсэн дасгал даалгавар зэрэг бүх шаардлагатай эх сурвалжийг хамруулах.

Хичээлийн зохион байгуулалт:

1. Онлайн (синхрон) хичээлийг зохион байгуулах

Сургуулиас гаргасан хуваарийн дагуу хичээлийг цагт нь эхлүүлж, суралцагчидтай харилцан идэвхтэй оролцоо бүхий хэлбэрээр явуулах;

Суралцагчдад зөвлөгөө, асуулт, хариулт өгөх замаар хичээлийн явцад дэмжлэг үзүүлэх.

2. Суралцагчдад цахим талбарт ажиллах заавар өгөх

Цахим платформ дээр хэрхэн ажиллах заавар, даалгаврын талаар тодорхой, ойлгомжтой зааварчилгаа өгөх;

Суралцагчдын бие даан суралцах арга барилыг дэмжих зөвлөгөө өгөх (цагийн зохицуулалт, мэдээлэл цуглуулах зөв аргууд гэх мэт).

3. Хичээлийн ирц болон тэмдэглэл хөтлөх

Суралцагчдын ирцийг I улирлын хичээлийн хуваарийн дагуу цахим журналд бүртгэх;

Хичээлтэй холбоотой тэмдэглэл хөтөлж, зохион байгуулсан үйл ажиллагааг баримтжуулах.

ОНЦЛОХ ЗӨВЛӨМЖ:

-Цахим сургалтын материалуудыг тодорхой бүтэцтэй, суралцагчдад хялбар ашиглагдахуйц байдлаар зохион байгуулах;

-Синхрон сургалтын үеэр суралцагчидтай харилцан ярилцах, асуулт асуух боломжийг нэмэгдүүлэх;

-Синхрон даалгаврын зааврыг маш ойлгомжтой, алхамчилсан байдлаар өгөх;

Үнэлгээний шалгуур, шаардлагыг суралцагчдад урьдчилан танилцуулж, тодорхой ойлгуулах;

-Багшийн тэмдэглэлд суралцагчдын давуу болон сайжруулах шаардлагатай талуудыг тусгах.