Scroll to top
ХУД 14 ДҮГЭЭР ХОРООНД БАГА СУРГУУЛЬ, ЦЭЦЭРЛЭГИЙН ЦОГЦОЛБОРЫН БАРИЛГА АШИГЛАЛТАД ОРЛОО
Хан-Уул дүүргийн 14 дүгээр хороонд 280 хүүхдийн хүчин чадалтай бага сургууль, цэцэрлэгийн цогцолборын барилгын ажил дуусаж ашиглалтад ороход бэлэн боллоо. Тус хороон дахь сургууль цэцэрлэгийн хүртээмжийг сайжруулах зорилгоор гүйцэтгэгдсэн энэхүү цогцолбор нь бүлгийн өрөө, багш нарын өрөө, спорт заал, эмчийн өрөө, хувцас солих өрөө, гал тогоо, ариун цэврийн өрөө болон бусад өрөө тасалгаануудаас бүрдсэн зохион байгуулалттай.
Зоорьгүй 2 давхар тус барилгыг Нийслэлийн төсвийн хөрөнгөөр ”Хөхий Хан ХХК” гүйцэтгэж, Нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллалаа.
